578 punonjës serb deri më tani kanë dhënë dorëheqje nga Policia e Kosovës

HomeLajme

578 punonjës serb deri më tani kanë dhënë dorëheqje nga Policia e Kosovës

Policia e Kosovës, në vazhdën e njoftimit të opinionit publik, informon se edhe sot ka pasur paraqitje të dorëheqjeve të punonjësve policorë të komuni

Ngriten temperaturat
Mungesa e artikujve ushqimorë në Moskë: Ruset kacafytën për sheqer, dhe ky është vetëm fillimi
30 ditë paraburgim për serbin që dyshohet se dhunoi një 12 vjeçare në Kamenicë

Policia e Kosovës, në vazhdën e njoftimit të opinionit publik, informon se edhe sot ka pasur paraqitje të dorëheqjeve të punonjësve policorë të komunitetit serb në pjesën e veriut të vendit, në zonën e drejtorisë rajonale të Mitrovicës Veri.

Numri i njoftimeve për dorëheqje të punonjësve të uniformuar dhe të atyre civil nga rendi publik, kufiri dhe hetimet, të cilët deri më tani i kanë dërguar njoftimet në rajonet dhe stacionet policore ka arritur deri në pesëqind e shtatëdhjetë e tetë (578) punonjës. Disa prej tyre janë në proces të dorëzimit të pajisjeve, ndërsa disa prej tyre deri më tani i kanë dorëzuar pajisjet e tyre, për të vazhduar me kompletimin e procedurave tjera të parapara.

 

Policia e Kosovës ashtu siç e ka potencuar edhe më parë, ka kapacitete për menaxhimin e situatës dhe rrethanave të krijuara në veri, ku tani pas dorëheqjeve në mungesë të personelit dhe kapaciteteve të mjaftueshme policore në veri, do të rris gradualisht kapacitetet e saja policore me zyrtarë të rendit publik.

Të gjitha veprimet policore do të ndërmerren konform autorizimeve ligjore dhe kushtetuese, me qëllim të ofrimit të sigurisë dhe shërbimit ndaj qytetarëve, ruajtjes së rendit e qetësisë publike si dhe mbikëqyrjes dhe kontrollit kufitar.