ATK gjobit 62 kompani që nuk kanë arkë fiskale dhe nuk lëshojnë kuponë fiskalë

HomeLajme

ATK gjobit 62 kompani që nuk kanë arkë fiskale dhe nuk lëshojnë kuponë fiskalë

Administrata Tatimore e Kosovës (ATK), ka njoftuar se ka shqiptuar 1 mijë e 429 gjoba për 62 kompani, të cilat nuk kanë qenë të pajisura me arkë fiska

Nga sot, FSK-ja mund të zbarkojë kudo në botë
Pamje nga aksidenti në Rrugën e Kombit, ku vdiq 58-vjeçari kosovar
Vritet një 30-vjeçar në Ferizaj

Administrata Tatimore e Kosovës (ATK), ka njoftuar se ka shqiptuar 1 mijë e 429 gjoba për 62 kompani, të cilat nuk kanë qenë të pajisura me arkë fiskale dhe nuk kanë lëshuar kuponë fiskalë, raporton Gazeta Sinjali.

“ATK në funksion të luftimit të ekonomisë joformale gjatë këtyre ditëve ka inspektuar aktivitetin e sektorit të transportit rrugor ndërkombëtar. Gjatë këtyre inspektimeve, zyrtarët e ATK-së kanë ka lëshuar 1,429 gjoba për mos pajisje me arkë fiskale dhe mos lëshim të kuponit fiskal, tek 62 kompani, të cilat janë përcjell për procedim në Zyrën për Gjoba dhe Ndëshkime Administrative”, thuhet në njoftim.

ATK ka theksuar se të gjitha këto aktivitete janë duke u ndërmarrë në kuadër të Planit Operativ të Veprimit për periudhën korrik – shtator 2021, i cili është duke trajtuar edhe sektorë të tjerë dhe gjatë ditëve në vijim do të inspektojë sektorët të cilët gjatë kësaj sezone kanë aktivitete të shumëfishuara dhe gjendja e tyre në relacion me obligimet tatimore nuk është në nivelin e duhur.