Dosja për dhunimin e 15-vjeçares në Kllokot: Taksisti, baba i dy fëmijëve ia gjeti një punë dhe më pas e çoi në motel

HomeLajmeLokale

Dosja për dhunimin e 15-vjeçares në Kllokot: Taksisti, baba i dy fëmijëve ia gjeti një punë dhe më pas e çoi në motel

Para disa ditësh u raportua për një rast të dhunimit që dyshohet se ka ndodhur në Kllokot, ku viktimë është një e mitur, e cila dyshohet se është keqt

Ministri Çeku viziton Gjilanin, a do të jepet data sot për përfundimin e Stadiumit të qytetit
Gjermania e quan lajm të mirë arritjen e marrëveshjes për targat
Një javë nga marrëveshja për targat mes Kosovës dhe Serbisë, MPB lëshon mbi 13 mijë stikersa

Para disa ditësh u raportua për një rast të dhunimit që dyshohet se ka ndodhur në Kllokot, ku viktimë është një e mitur, e cila dyshohet se është keqtrajtuar së paku dy herë nga një 38-vjeçar. Arben Ahmeti, i dyshuar për këtë rast u arrestua pas denoncimit të vëllait të viktimës që rezultoi me ndalimin e tij. Tashmë ai ndodhet nën masën e paraburgimit, pas kërkesës së Prokurorisë që u aprovua nga Gjykata. Sinjali ka siguruar dosjen për këtë rast tronditës dhe ju sjellë më poshtë detajet.

I dyshuari për këtë rast, i cili punon si taksist, është i martuar dhe ka fëmijë, po dyshohet se ka kryer veprën penale “Dhunimi”, gjatë muajit qershor, të vitit të kaluar. Sipas kërkesës së Prokurorisë, të siguruar nga Gazeta Sinjali, i dyshuari Arben Ahmeti, në motelin ”Malibu” e ka detyruar të miturën, e moshës 15-vjeçare për të kryer akte seksuale pa pëlqimin e saj.

Por çka i parapriu rastit dhe si përfundoi e mitura në duart e të dyshuarit?

Në dosjen e Prokurorit të Shtetit thuhet se fillimisht viktima i kishte kërkuar të dyshuarit t’ia gjejë në punë, kërkesë kjo të cilën ai e shfrytëzoi për ta keqtrajtuar seksualisht vajzën më vonë, ndonëse ka qenë në dijeni se ajo është nën moshën 16-vjeç.

“…e mitura nuk ka mundur të gjykoj e të vlerësoj pasojat e një marrëdhënie të tillë e që nënkuptojnë kryerjen e marrëdhënieve seksuale, në atë mënyrë që pasi i pandehuri dhe e dëmtuara njihen mes veti, e dëmtuara kërkon nga i pandehuri t’i gjej punë (për të pastruar ndonjë shtëpi), me ç’rast edhe e dërgon të dëmtuarën në një shtëpi në Viti për të pastruar, në atë shtëpi kishte qëndruar edhe vet i pandehuri i cili fillimisht e kishte puthur, e më pastaj të njëjtën e merr kinse për ta dërguar në shtëpinë e saj, me të arritur tek Moteli ,,Malibu”, të njëjtën e bind për të shkuar në Motelin e lartë cekur, me ç’rast aty kryejnë marrëdhënie seksuale, edhe pse e ka ditur se e dëmtuara është nën moshën 16 vjet.”, thuhet në kërkesë.

Kërkesën për paraburgim Prokuroria e ka arsyetuar me provat e siguruara, deklaratat e palëve të përfshira, të disa dëshmitarëve, si dhe mesazhet që ka shkëmbyer viktima dhe i dyshuari gjatë kohës sa kanë komunikuar me njëri-tjetrin.

Në arsyetimin e Prokurorit të Shtetit po ashtu thuhet se “nëse i pandehuri lihet në liri, i njëjti do të asgjësoj, fsheh, ndryshoj ose falsifikoj provat e veprës penale, nga se rrethanat e posaçme tregojnë se nëse i pandehuri lihet në liri, i njëjti do të pengoj rrjedhën e procedurës penale duke ndikuar në tani të dëmtuarën e mitur, dhe në dëshmitarin, për ti ndryshuar deklaratat e tyre, dhe në këtë mënyrë do të pengohet rrjedha normale për vërtetimin e drejtë të gjendjes faktike në këtë çështje penale-juridike.”

Kujtojmë se ky rast tronditës u zbulua nga vëllai i viktimës, i cili u detyrua të njoftojë Policinë se motra e tij dyshohet se është keqtrajtuar seksualisht.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.