Agresioni i Rusisë në Ukrainë: Kosova nuk rrezikohet për grurë, apelohet që të mos rritet çmimi i bukës

HomeLajme

Agresioni i Rusisë në Ukrainë: Kosova nuk rrezikohet për grurë, apelohet që të mos rritet çmimi i bukës

Lufta e nisur dje në mëngjes ndërmjet Rusisë dhe Ukrainës nuk pritet të ketë ndikime të theksuara për furnizim me grurë dhe rritje të çmimit për këtë

Kriza energjitike, grevat e skandalet, Lutfi Haziri flet për qeverisjen e Albin Kurtit
Ftohtë, erë e reshje bore, moti për sot dhe ditët e ardhshme
Luftimet vazhdojnë, kjo është situata aktuale në Ukrainë

Lufta e nisur dje në mëngjes ndërmjet Rusisë dhe Ukrainës nuk pritet të ketë ndikime të theksuara për furnizim me grurë dhe rritje të çmimit për këtë produkt ushqimor në Kosovë, pasi që vendi ynë nuk është importues i këtij produkti strategjik drejtpërdrejt nga këto dy vende.

Derisa Kosova aktualisht është e furnizuar me grurë vetëm edhe për dy muajt e ardhshëm, kryetari i Shoqatës së Mullisëve të Kosovës Bashkim Zejnullahu kërkon të mos krijohet panik në vend.

Kreu i shoqatës, Zejnullahu duke treguar se për momentin nuk ka lëvizje të çmimeve në Kosovë, iu ka bërë thirrje të gjithë përpunuesve të grurit në Kosovës që mos ta shfrytëzojnë rastin e luftës në Rusi dhe Ukrainë për ngritjen e këtyre çmimeve.

“Nuk ka lëvizjes dhe nuk duhet të ketë lëvizje. Mendoj se kishte me qenë jo e drejtw nëse do tw shfrytëzonim një situatë të tillë për lëvizjen e çmimeve. Kështu do tw ishte e padrejtë”, pohon ai.

“Shqipëria është importues i drejtpërdrejt prej Rusisë dhe Ukrainës, atje mund të ketë një ndikim të drejtpërdrejt tek ta, por tek ne realisht nuk ka”, theksoi ai.

“Në dy ministritë, e Tregtisë dhe ajo e Bujqësisë, si dhe tek kryeministri Kurti kemi bërë një kërkesë urgjente para dy javësh që të merren masa për këtë çështje si dhe për rezervat shtetërore, për të cilat ne nuk kemi shumë njohuri dhe të informuar se sa janë. Kështu qeveria nuk ka qenë e interesuar. Sa është e furnizuar aktualisht Kosova me grurë dhe miell? Në bazë të informatave që i kam, por duke u bazuar në të dhënat e përpunuesve më të mëdhenj, ne mund të kemi një sasi të grurit brenda vendit për dy muajt e ardhshëm”, thotë ai.

Në anën tjetër, ndikimi i luftës në tregjet globale, pritet të ndikojë te ngritja e çmimit për disa produkte. Lufta në Ukrainë mund të ketë pasoja serioze për ekonominë evropiane dhe atw botërore.

Teksa lufta ka nis mes këtyre dy shteteve, krahas kësaj ato që lëvizin janë edhe bursat ndërkombëtare. Analistët ekonomikë nëpër botë kanë parashikuar lëvizjen e bursave në rast të një lufte mes Ukrainës dhe Rusisë, ku sipas tyre do të ketë ndikim të menjëhershëm në çmimin e naftës dhe të gazit.

Megjithatë kriza ka dhënë efektet e saj në rritjen e çmimit të naftës dhe të gazit, si edhe të metaleve kryesore që përdoren për prodhimin e makinave, pajisjet elektronike, enët e gatimit dhe ndërtimi. Në afat të shkurtër, një luftë Rusi-Ukrainë, qoftë edhe e kufizuar, do të nxiste një rritje të madhe të çmimeve të naftës dhe gazit, veçanërisht në Evropë.

Çmimi i naftës mund të shkojë mbi 125 dollarë për fuçi, ndërsa çmimet e gazit do të rriten edhe më shumë. Edhe skenari tjetër ku vendosen sanksione masive ndaj Rusisë ka ndikim të fortë te çmimet.