Ishte në arrati qe 3 vite, arrestohet në Gjilan person i dyshuar për vepër penale “Ofrimi i lokaleve për prostitucion”

HomeLajme

Ishte në arrati qe 3 vite, arrestohet në Gjilan person i dyshuar për vepër penale “Ofrimi i lokaleve për prostitucion”

Policia e Kosovës, konkretisht Njësia për hetimin e trafikimit me qenie njerëzore në Gjilan, përmes rrugëve operative ka siguruar informata relevante

E mitura që u dhunua në Kamenicë është 12-vjeçare, kërkohet paraburgim për të dyshuarin
Moti sot me diell e vranësira
Putin kërcënon për eskalim bërthamor nëse Suedia dhe Finlanda anëtarësohen në NATO

Policia e Kosovës, konkretisht Njësia për hetimin e trafikimit me qenie njerëzore në Gjilan, përmes rrugëve operative ka siguruar informata relevante për vendndodhjen e të dyshuarit me iniciale (M. Sh.), i cili që nga viti 2018 ka qenë në arrati.

Për personin e dyshuar të potencuar më lart me iniciale, Policia e Kosovës në vitin 2018 gjatë hetimit të rastit ka siguruar prova të besueshme tek të cilat ka mbështetur dyshimet se i njëjti ka kryer veprën penale “Ofrimi i lokaleve për prostitucion”, mirëpo që nga ajo kohë e deri më tani i dyshuari ka qenë i pakapshëm për organet ndjekjes penale.

Pas arrestimit i dyshuari i lartcekur është intervistuar dhe me vendim të Prokurorit të Shtetit, i njëjti është dërguar në mbajtje për 48 orë.

Policia e Kosovës mbetet e përkushtuar në parandalimin dhe luftimin e dukurive negative në vend si dhe veprave penale në përgjithësi dhe po ashtu ndërmarrjen e veprimeve efikase operacionale për identifikimin, arrestimin dhe sjelljen e personave të përfshirë në veprime të kundërligjshme para organeve të drejtësisë.