Jasharaj: Greva do të vazhdojë derisa të ketë zgjidhje

HomeLajme

Jasharaj: Greva do të vazhdojë derisa të ketë zgjidhje

Greva në arsim do të vazhdojë edhe gjatë së hënës. Kështu bëri të ditur Rrahman Jasharaj, kryetar i Sindikatës së Bashkuar të Arsimit, Shkencës dhe T

Këto janë rregullat e reja për kosovarët që ia mësyejnë Zvicrës
Gastronomët kundërshtojnë masat e reja antiCOVID, kërkojnë takim urgjent me ministrin e Shëndetësisë
KBI në Gjilan ndan 80 pako ushqimore për nder të Ditës së Pavarësisë

Greva në arsim do të vazhdojë edhe gjatë së hënës.

Kështu bëri të ditur Rrahman Jasharaj, kryetar i Sindikatës së Bashkuar të Arsimit, Shkencës dhe Teknologjisë.

“Këtë e kemi bërë të ditur edhe gjatë takimit të djeshëm me presidentën Vjosa Osmani. Ne i kemi kërkuar edhe presidentës që ta shfrytëzojë autoritetin e saj për të gjetur zgjidhje. Nuk është se kemi arritur ndonjë rezultat në këtë takim. Qeveria nuk po dëshiron dialog” – tha Jasharaj.

Ai theksoi se greva do të vazhdojë derisa të mos ketë zgjidhje.

“Ne i kemi bërë të ditura kërkesat tona. 100 euro shtesë deri në miratimin e Ligjit të pagave. 50 eurot e ofruara nga qeveria konsiderojmë se nuk i mbulojn kërkesat tona. Ne e përgëzojmë qeverinë për pakon e miratuar por kjo nuk i plotëson kërkesat tona. Ligji i pagave po vonohet ndërsa ju po e shihni se çmimet po rriten çdo ditë”- theksoi ai.

Kreu i Këshillit Grevist të BSPK-së shtoi se për mbylljen e grevës do të njoftohet opinioni publik me kohë.

“Ne shpalljen e grevës e kemi bërë në mënyrë publike para mediave dhe po ashtu sapo të ketë ndonjë zgjidhje do të njoftojmë publikisht edhe përfundimin e saj para media. Orarin prej 09:00 -12:00 e kemi caktuar për shkollat, çerdhet dhe administratën e universiteteve dhe ky orar do të vazhdojë të jetë i njëjti” – shtoi ai.