Jasharaj për Ligjin e Pagave: Sinjalet nuk janë të mira, protestat e grevat nuk i përjashtojmë

HomeLajme

Jasharaj për Ligjin e Pagave: Sinjalet nuk janë të mira, protestat e grevat nuk i përjashtojmë

Sindikata e Bashkuar e Arsimit, Shkencës dhe Kulturës së Kosovës (SBAShK), po e kundërshton versioni i ri të Ligjit të Pagave, për të cilin thonë se k

Ali Ahmeti, sot ishte në Gjilan për ngushëllime në familjen Zeka
Për shkak të një mosmarrëveshjeje në komunikacion në Gjilan, përleshje fizike e dëmtim të veturës
Nis protesta e gastronomëve para Qeverisë

Sindikata e Bashkuar e Arsimit, Shkencës dhe Kulturës së Kosovës (SBAShK), po e kundërshton versioni i ri të Ligjit të Pagave, për të cilin thonë se ka shumë defekte në të.

Ndonëse janë premtuar se do të jenë pjesë e Komisionit për Ligjin e Pagave, nga kjo Sindikatë thonë se nuk janë ftuar fare.

Megjithëkëtë, kryetari i SBAShK-ut, Rrahman Jasharaj, ka thënë se marrëveshja ka qenë që Ligji i Pagave të përfundojë deri në fund të marsit, ndryshe Këshilli Drejtues do të vazhdojë me protesta.

Ndërsa, ai shtoi se kongresi i SBAShK ka paralajmëruar grevë më 2 prill.

“Çështjet po shkojnë keq sepse ministri Xhelal Sveçla na ka premtuar se sindikatat do të jenë pjesë përbërëse e komisionit për ligjin e pagave, dhe kjo nuk ka ndodhur por vetëm një takim kur përfaqësuesit e sindikatave ka qenë në cilësinë e vëzhguesit pa të drejtë që të japë mendime. Versioni që është duke u shpërndarë, dhe ministria po thotë se nuk është zyrtar mirëpo bazuar në këtë version ekspertët e fushës së SBASHK-ut janë shprehur kundër këtij ligji sepse ka defekte të mëdha”, ka thënë Jashari.

Jashari ka paralajmëruar edhe protestë nëse Qeveria Kurti nuk e fton SBAShK-un për t’u konsultuar në Ligjin e ri të Pagave.

“Marrëveshja ka qenë që deri në fund të marsit të kryhet versioni final. Kjo nuk po ndodh dhe kërkojmë nga Qeveria Kurti që të ulet me sindikata sepse ne insistojmë që i tërë sistemi arsimor ta ketë vendin meritor në ligj. Sinjalet e para janë dhënë në këshillin drejtues dhe kemi paralajmëruar se do të fillojmë me protestë të kufizuar duke i treguar qeverisë se jemi të pakënaqur. Ndërsa me 2 prill do të jetë kongresi i SBASHK-ut që do të sjellë me vendim për grevë që nga çerdhet deri në universitet. Qeveria Kurti e ka zvogëluar koeficientin e arsimtarëve gjoja për të bërë barazime dhe e ka bërë sikurse koeficientin e mësuesit jo duke ngritur por duke zvogëluar atë”, ka thënë Jashari për EO.