Jasharaj: S’kemi zgjidhje tjetër pos grevës, Qeveria e refuzoi dialogun

HomeLajme

Jasharaj: S’kemi zgjidhje tjetër pos grevës, Qeveria e refuzoi dialogun

Kryetari i Sindikatës së Bashkuar të Arsimit, Shkencës dhe Kulturës, Rrahman Jasharaj, ka thënë se Qeveria Kurti ka mohuar mundësinë për të biseduar,

Vuçiq paralajmëron masa për nesër: Do të jenë të dhimbshme
Aktivitete të shtuara të Policisë së Kosovës në Gjilan
Deputeti i PDK-së e gërryen tavolinën duke protestuar me shishe në Kuvend

Kryetari i Sindikatës së Bashkuar të Arsimit, Shkencës dhe Kulturës, Rrahman Jasharaj, ka thënë se Qeveria Kurti ka mohuar mundësinë për të biseduar, prandaj sipas tyre zgjidhje e vetme është greva e përgjithshme.

Jasharaj tha se kanë dërguar edhe ndërmjetësues ligjor që të mos ketë nevojë për ndonjë grevë të mundshme.

“E kemi dërguar ndërmjetësuesin ligjor, me shpresë që Qeveria do të thotë po dhe do të ulemi për të biseduar. Mirëpo, Qeveria Kurti e mohoi edhe këtë mundësi dhe na solli në një situatë ku nuk kemi zgjidhje tjetër, sepse ligji për grevat nuk parasheh ndonjë mundësi tjetër. Ne jemi angazhuar të mos vijmë tek greva, duke dërguar letra tek secili institucion, kemi dërguar edhe ndërmjetësues, duke bërë edhe veprime të përshkallëzuara, pra me të vetmin qëllim të ulemi e të bisedojmë, të bëjmë zgjidhje për kërkesat tona e të mos ketë nevojë për grevë të përgjithshme”, tha Jasharaj në tëvë1.

Sindikata e Bashkuar e Arsimit tashmë ka dhënë paralajmërimin e saj për një grevë të mundshme në fillim të muajit shtator, për këtë çështje ministrja Nagavci një paralajmërim të tillë e ka quajtur kërcënim.