Këta janë 5 të arrestuarit për vjedhjen e gypave që përçojnë oksigjenin në Spitalin e Gjilanit

HomeLajme

Këta janë 5 të arrestuarit për vjedhjen e gypave që përçojnë oksigjenin në Spitalin e Gjilanit

Gazeta Sinjali raportoi mbrëmë për arrestimin e grupit prej 5 personash të cilët dyshohen se në fund kishin vjedhur gypa të metalit në vlerë prej 5 mi

Kurti uron 28 Nëntorin: Le t’i bëhemi krah secilit shqiptar
A do të bllokohet sistemi arsimor? SBASHK-u thërret mbledhje të jashtëzakonshme
Kurti: Që jeta do të jetojë dhe e drejta do të fitojë është mësimi që na e japin gratë e Krushës

Gazeta Sinjali raportoi mbrëmë për arrestimin e grupit prej 5 personash të cilët dyshohen se në fund kishin vjedhur gypa të metalit në vlerë prej 5 mijë euro, në hapësirat e jashtme të Spitalit rajonal të Gjilanit, që ishin të instaluar për përçimin e gazit oksigjenik për pacientët e spitalit.

Burimet e Sinjalit brenda Prokurorisë kanë bërë të ditur se pesë të dyshuarit që ranë në prangat e Policisë janë: Ronaldo Abedini (shtetas i Shqipërisë), Fitim Latifi,Trinor Kerqeli, Adrian Dervishi dhe Artir Murseli.

Sipas të njëjtave burime, tre të dyshuarit e parë janë ndaluar me urdhër të Prokurorit të Krimeve të Rënda i cili u ka caktuar masën e ndalimit prej 48 orësh.

Ndërsa dy të dyshuarit e tjerë do të hetohen në procedurë të rregullt lidhur me këtë rast.

Sinjali mëson po ashtu se për të dyshuarin me shtetësi shqiptare, është njoftuar edhe Ambasada e Republikës së Shqipërisë.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.