Kosova nuk i pranon të pavaksinuarit, nga sot kërkohet certifikata me dy doza

HomeLajme

Kosova nuk i pranon të pavaksinuarit, nga sot kërkohet certifikata me dy doza

Nga sot, për të hyrë në Republikën e Kosovës, secili qytetar duhet të posedojë certifikatën e vaksinimit me dy doza të vaksinës anti-COVID, në të kund

Largohen tre kosovarë nga Ukraina, kjo ishte arsyeja pse lufta i zuri atje
OAK i ofron bashkëpunim profesional kryetarit të Komunës së Gjilanit, Alban Hyseni
Të premten mbledhja e përbashkët e Qeverisë së Kosovës dhe Shqipërisë

Nga sot, për të hyrë në Republikën e Kosovës, secili qytetar duhet të posedojë certifikatën e vaksinimit me dy doza të vaksinës anti-COVID, në të kundërtën, nuk do t’i lejohet hyrja.

Kjo masë e paraparë për të filluar së zbatuari nga sot, ishte miratuar nga Qeveria e Kosovës me masat e reja anti-COVID, më 1 dhjetor 2021.

Sipas këtij vendimi, nga sot, për të hyrë në Kosovë, secili person duhet të posedojë certifikatën e vaksinimit për vaksinimin e plotë (me dy doza) kundër COVID-19.

Ndërkaq, personat të cilët nuk i kanë dy dozat e vaksinës, do të kenë mundësi të vaksinohen në pikën kufitare aeroportin “Adem Jashari” dhe në pikat kufitare në Vërmicë, Merdar, Dheu i Bardhë dhe Hani i Elezit.

Sipas masave anti-COVID që janë në fuqi, lëvizja e qytetarëve lejohet nga ora 05:00 e mëngjesit, deri në orën 00:00 të mesnatës.

Lokalet e gastronomisë lejohen të punojnë deri në orën 23:00, ndërkaq muzika duhet të ndalet në orën 21:30.

Çdo person i cili hyn në Republikën e Kosovës duhet të posedojë certifikatën e vaksinimit për vaksinimin e plotë (me dy doza) kundër COVID-19, apo certifikatën e vaksinimit për vaksinimin me një dozë, jo më e vjetër se katër javë, bashkë me testin RT-PCR negativ për COVID-19, jo më i vjetër se 48 orë, ose certifikatën e vaksinimit për vaksinimin me një dozë bashkë me dëshminë se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë).