Kosova pa sistem të mbrojtjes kundër breshërit, para luftës kishte 110 pika të tilla

Kosova ende nuk ka sistem funksional të vetin kundër breshrit, derisa një sistem të tillë e kishte aktiv para luftës, shkruan Gazeta Metro. Stuhitë

Kosova ende nuk ka sistem funksional të vetin kundër breshrit, derisa një sistem të tillë e kishte aktiv para luftës, shkruan Gazeta Metro.

Stuhitë e fuqishme që po kalojnë këtë vend në Kosovë, ka bërë që të shkaktojë dëme të mëdha materiale por edhe në njerëz.

Mirëpo parandalimi i breshëritë që po vije me stuhinë në vend, mund të ndalohej po nëse Kosova do ta kishte aktiv sistemin e raketave goditës në retë breshër-sjellëse.

Para luftës së Kosovës, ka pasur stacione meteorologjike për evidentimin e reve bresh-sjellëse dhe që kanë qenë të pajisura me raketa speciale, të cilat i kanë shpartalluar retë dhe e kanë parandaluar breshërin.

Sipas të dhënave në territorin e Kosovës, para vitit 1999 kanë qenë funksionale diku rreth 110 pika lansuese të raketave për mbrojtje kundër breshërit.

Ky sistem ka funksionuar me anë të një radari, që tash në Kosovë është jashtë funksioni.

Ekspertët kosovarë të meteorologjisë më herët kanë thënë se një sistem i tillë Kosovës i kushton diku rreth 3 milionë euro. Derisa është ngritur nevoja që Kosova të ketë një sistem të mbrojtjes në sistemin e radarëve doppler, që një radar është i nevojshëm për aviacionin dhe bujqësinë.

Një radar i tillë sipas tyre duhet të ketë gjatësinë valore milimetrike, që përdoret për aviacion dhe gjatësinë valore të radarit doppler me centimetër që përdoret për meteorologji.

Më herët është dhënë edhe ideja që Kosova të mbrohet me anë të rrjetave por diçka është e pamundur që i gjithë territori i Kosovës rreth 11 mijë kilometra katrorë të mbrohet me rrjeta.

Mungesa e radarëve po shihet si dëm i madh për bujqit por edhe për vetë shtetin.

Por në mungesë të këtij sistemi, meterologët me anë të parashikimeve të tyre këshillojnë qytetarët në rastet kur ka stuhi.

Përgjatë ditëve në vazhdim në Kosovë pritet të mbizotërojë mot me reshje dhe stuhi, andaj ka edhe rekomandime për mbrojtje ndaj tyre.

Në ditën kritike ku humbi jetën një qytetar në Prishtinë, erërat regjistruan shpejtësi deri në 65 km/h. E në ditët në vijim janë paralajmëruar edhe vërshime si pasojë e reshjeve.

Kosova pa sistem të mbrojtjes kundër breshërit, para luftës kishte 110 pika të tilla

RECOMMENDED FOR YOU