Kremlini: Sanksionet e perëndimit kurrë nuk do të na bëjnë të ndryshojmë qëndrim ndaj Ukrainës

Sanksionet perëndimore nuk do ta bëjnë kurrë Rusinë të ndryshojë qëndrimin e saj ndaj Ukrainës, tha Kremlini.

Zëdhënësi i Kremlinit, Dmitry Peskov i mohoi raportimet për sulmet ruse ndaj objektivave civile dhe përdorimin e bombave vaku, raporton Reuters.

Ai nuk pranoi të jepte një vlerësim të situatës ushtarake në terren në ditën e gjashtë të pushtimit rus të Ukrainës, të cilin Kremlini e përshkruan si një operacion special për çmilitarizimin dhe “denazifikimin” e vendit.

Në disa komente të bëra pas sulmeve të fundit në Harkiv, presidenti i vendit Zelensky ka thënë se dëshmitarët kanë treguar që edhe civilët janë shënjestruar.

Zelensky e ka përshkruar si krim lufte bombardimin e Harkivit, si pasojë e të cilit kanë vdekur dhjetëra persona. /Reporteri.net