Ky është mërgimtari që humbi jetën sot në vetaksident në Dobërçan

Një aksident me fatalitet ka ndodhur sot në orët e mëngjesit, në magjistralen Gjilan – Kamenicë, në hyrje të fshatit Dobërçan. Një veturë e tipit BMW ka humbur kontrollin me ç’rast një 53 vjeçar ka humbur jetën.

Burime të 06 Press tregojnë se personi i cili ka humbur jetën nga ky vetaksident është një mërgimtar nga fshati Koretin nga komuna e Kamenices Nazim Kosumi.

Bëhet e ditur gjithashtu se varrimi i tij është bërë sot në Koretin.

Për këtë vetaksident kanë dhënë detaje edhe Policia e Kosovës në Gjilan.

“Derisa ka qenë duke lëvizur vetura BMW me tabela 06, në veturë kanë qenë tre persona, në një kthesë i njëjti ka humbur kontrollin dhe ka goditur një shtyllë elektrike, me ç’rast pasagjeri N.K.(1968) ka humbur jetën, gjersa vozitësi i veturës M.K.SH, ka pësuar lëndime të rënda trupore dhe është transportuar fillimisht në Spitalin Rajonal të Gjilanit , e më pastaj për në QKUK në Prishtinë”, ka njoftuar Hashani.

“Në vendin e ngjarjes kanë dalur të gjitha njësitet relevante, prokurori i shtetit, zjarrfikësit, ndihma e shpejtë, mjeku kujdestar ka konfirmuar vdekjen e viktimës në vendin e ngjarjes. Për informata tjera ju njoftojmë me kohë.”