Ministria: Po e monitorojmë remontin e blloqeve që të sigurohemi për furnizim gjatë dimrit

HomeLajme

Ministria: Po e monitorojmë remontin e blloqeve që të sigurohemi për furnizim gjatë dimrit

Ministria e Ekonomise ka njoftuar se me rikthimin në prodhim të njësive B-2 dhe A-3, Korporata Energjetike e Kosovës është duke prodhuar 800 megavatë

Buzhala përkrah protestën kundër shtrenjtimit të rrymës: E vetmja opozitë qe një vit është vetëm PSD dhe Dardan Molliqaj
Gastronomët kërkojnë që të lirohen nga tarifat e shfrytëzimit të hapësirave publike
MPB-ja fton qytetarët të shmangin pikëkalimet në Bërnjak dhe Jarinjë

Ministria e Ekonomise ka njoftuar se me rikthimin në prodhim të njësive B-2 dhe A-3, Korporata Energjetike e Kosovës është duke prodhuar 800 megavatë rrymë për orë. Aktualisht në funksion janë A3, A4, B1 dhe B2, raporton Express.

Përmes një komunikate, Ministria ka thënë se është duke monitoruar situatën e remontit dhe sanimit të blloqeve të Kosovës A dhe Kosovës B, për t’u siguruar që këto blloqe do të përmirësojnë sigurinë e furnizimit gjatë dimrit.

Ministria ka bërë thirrje për kursim të energjisë.

“Ministria e Ekonomisë është duke monitoruar situatën e remontit dhe sanimit të blloqeve të Kosovës A dhe Kosovës B nga ana e KEK-ut, për t’u siguruar që këto blloqe do të përmirësojnë sigurinë e furnizimit gjatë dimrit.

Përderisa kthimi i dy blloqeve në funksion luan rol kyç në përmirësimin e situatës energjetike në vend, si dhe sigurisë së furnizimit, Ministria e Ekonomisë bën thirrje për të gjithë qytetarët dhe bizneset e vendit që të konsumojnë energjinë elektrike në mënyrë racionale në një kohë kur vendi, rajoni dhe Evropa janë duke u përballur me krizën e vështirësuar energjetik”, thuhet në komunikatë.

Komunikata e plotë:

Korporata Energjetike e Kosovës (KEK) ka përfunduar remontin e bllokut B2, njësi e cila tashmë është rikthyer në funksion dhe është duke prodhuar afro 260 MËh. Gjithashtu, KEK ka përfunduar sanimin e rrjedhjeve të ujit në njësinë A3, e cila është rikthyer në funksion dhe është duke prodhuar afro 130 MËh.

Aktualisht, KEK ka në funksion të prodhimit katër blloqe: A3, A4, B1 dhe B2, të cilat në total prodhojnë afro 800 MËh.

Ministria e Ekonomisë është duke monitoruar situatën e remontit dhe sanimit të blloqeve të Kosovës A dhe Kosovës B nga ana e KEK-ut, për t’u siguruar që këto blloqe do të përmirësojnë sigurinë e furnizimit gjatë dimrit.

Përderisa kthimi i dy blloqeve në funksion luan rol kyç në përmirësimin e situatës energjetike në vend, si dhe sigurisë së furnizimit, Ministria e Ekonomisë bën thirrje për të gjithë qytetarët dhe bizneset e vendit që të konsumojnë energjinë elektrike në mënyrë racionale në një kohë kur vendi, rajoni dhe Evropa janë duke u përballur me krizën e vështirësuar energjetik.