Molliqaj paralajmëron protesta të tjera

HomeLajme

Molliqaj paralajmëron protesta të tjera

Lideri i Partisë Socialdemokrate, Dardan Molliqaj në një postim në Facebook ka paralajmëruar protesta tjera dhe tubime, teksa thotë se Qeveria e Kosov

E pëson mërgimtari nga Kosova, bie në radar teksa po vozitste me shpejtësi 255 km/, i ndalohet vozitja në të gjithë Austrinë
Arrestohet gjilanasi, sulmoi fizikisht gjyshen e tij
Lutfi Haziri: Autostrada e Gjilanit ka stagnuar, mosinteresim total i komunës dhe qeverisë

Lideri i Partisë Socialdemokrate, Dardan Molliqaj në një postim në Facebook ka paralajmëruar protesta tjera dhe tubime, teksa thotë se Qeveria e Kosovës ka nisur të tërhiqet pas protestës kundër shtrenjtimit të rrymës.

Përmes një postimi në Facebook, Molliqaj tha se jashtë Qeverisë ka qytetarë që përherë do të jenë aktiv.

“Faleminderit për solidaritetin e madh që treguat ndaj meje. Insistimi juaj na i solli dy fitore për një kohë shumë të shkurtër. Ju protestuat masivisht kundër shtrenjtimit të rrymës. Dhe qeveria ka nisur tërheqjen.  Ju reaguat masivisht me indinjim, jo thjeshtë kundër marrjes peng që më bëri policia mua, por kundër praktikës së persekutimit nga pushteti autoritar ndaj kujtdo që mendon ndryshe. Dhe pushteti u tërhoq”, ka shkruar Molliqaj.

Ndryshe, ai ishte ndaluar nga disa pjesëtarë të policisë, të cilët e kanë futur në veturë pasi kishte goditur shuplakë një pjesëtar të Policisë së Kosovës në protestën kundër shtrenjtimit të rrymës që është mbajtur më 29 janar.

“Gjyqtari i procedurës paraprake kërkesën e prokurorit të shtetit për caktimin e masës së paraburgimit të datës 02.02.2022 kundër të pandehurit D.M. e ka refuzuar si të pa bazuar dhe ndaj të njëjtit ka caktuar masën e paraqitjes në stacionin policor”, thuhet në njoftim

Molliqaj, i cili u lirua të enjten nga mbajtja në arrest, ka treguar se çfarë u kërkoi policëve të cilët e arrestuan.

“Sapo kam zbritur nga vetura, unë kam thënë a keni dokument që po më arrestoni. Me një moment policia është ndal pas disa sekondash, nuk e di sa, ndoshta 30, policia më ka thënë se ‘nuk kemi dokument për arrestim”, por hajde se je i arrestuar. Ajo ka qenë kërkesa ime kryesore”, tha ai. /Gazeta Enigma/.