Mos e merrni rrugën Gjilan-Ferizaj pa një zor të madh

HomeLajme

Mos e merrni rrugën Gjilan-Ferizaj pa një zor të madh

Nëse ju duhet me patjetër të bëni rrugën regjionale Gjilan-Ferizaj apo anasjelltas, atëherë bëjeni gjatë ditës, mundësisht, që t’i shpëtoni një tmerri

Kurti flet rreth mundësisë që Rusia të zgjerojë luftën në Ballkan
Rrjedhja e dokumenteve nga Dubai / Zbulohen disa nga kosovarët që kanë prona atje
​SBAShK-u proteston më 4 dhjetor, Jasharaj: Do të jetë alarmi i fundit për qeverinë

Nëse ju duhet me patjetër të bëni rrugën regjionale Gjilan-Ferizaj apo anasjelltas, atëherë bëjeni gjatë ditës, mundësisht, që t’i shpëtoni një tmerri të vërtetë.

Disa segmente të saj, prej disa javësh e disa të tjera prej disa muajsh, përngjajnë me një rrugë të keqe arash, ku kalohet veç prej zori.

Segmenti nga udhëkryqi i Cërnicës deri në Partesh ka tre muaj që është gërryer për t’u shtresuar me asfalt dhe nuk është prekur më.

Edhe më keq ka mbetur segmenti Budrigë-Radivojc, ku prej disa ditësh është hequr në tërësi asfalti, është gërryer rruga dhe ende nuk është nivelizuar dhe as asfaltuar.

Mirëmbajtja e rrugëve regjionale është kompetencë e Ministrisë së Infrastrukturës.

Riparimi i rrugëve në Kosovë bëhet në mënyrën më të keqe të mundshme. Fillimisht gërryhet asfalti i dëmtuar në tërë gjatësinë e rrugës, ndodh deri në 10-15 km dhe lihet ashtu me javë.

Lëvizja në rrugë të tilla, si kjo Gjilan-Ferizaj, maksimalisht e degraduar ka kosto për vozitësit.

Po ashtu, duhet marrë parasysh që në rrugët regjionale nuk lëvizin vetëm banorët lokalë. /Mediafokus.info