“Në Kosovë kurrë më nuk do të ketë policë të Serbisë”, presidentja i reagon Beogradit

HomeLajme

“Në Kosovë kurrë më nuk do të ketë policë të Serbisë”, presidentja i reagon Beogradit

Presidentja Vjosa Osmani ka reaguar pas deklarimeve nga Beogradi që janë të gatshëm të dërgojnë forca të sigurisë në Kosovë. “Kërcënimi i hapur për

Kryeministri Kurti: S’mund t’i rris pagat se është kundër popullit
S’mjafton shtrenjtimi: Restauranti në Shqipëri faturon edhe “shtrimin e tavolinës”
Zhduket një pajisje mijëra euroshe e Klinikës së Radiologjisë në QKUK

Presidentja Vjosa Osmani ka reaguar pas deklarimeve nga Beogradi që janë të gatshëm të dërgojnë forca të sigurisë në Kosovë.

“Kërcënimi i hapur për agresion policor e ushtarak nga ana e Serbisë dëshmon se në atë shtet vazhdon mendësia hegjemoniste. Kjo duhet të refuzohet e kundërshtohet qartë nga e gjithë bota demokratike, e cila i dha goditjen më të fuqishme kësaj mendësie pikërisht në vitin 1999”, ka shkruar presidentja në Facebook.

“Plagosja e mbrëmshme e një pjesëtari të Policisë së Kosovës është veprim kriminal dhe i orientuar kundër rendit kushtetues e sovranitetit të Kosovës si dhe kundër veprimeve për sundim të rendit e ligjit. Gjithashtu, sulmet ndaj gazetarëve përbëjnë cenim flagrant të të drejtës për informim të lirë”.

Osmani ka thënë që policët dhe ushtarët e Serbisë nuk do të lejohen kurrë në territorin e Kosovës.

“Autorët e këtyre krimeve, urgjentisht të sillen para drejtësisë, ndërkaq institucionet e drejtësisë duhet të veprojnë menjëherë”.

“Në territorin e Republikës së Kosovës kurrë më nuk do të ketë policë dhe ushtarë të Serbisë! Ëndrra hegjemoniste e Serbisë nuk do të jetësohet kurrë!”