Njohja e patentë shoferëve në Gjermani, Ambasada e Kosovës njofton se ka filluar procesi i konvertimit të tyre

HomeLajme

Njohja e patentë shoferëve në Gjermani, Ambasada e Kosovës njofton se ka filluar procesi i konvertimit të tyre

Ambasada e Kosovës në Gjermani ka dalë me një njoftim sa i përket çështjes së patentë shoferëve. Ambasada ka njoftuar se pas hyrjes në fuqi të marr

Vuçiq: Kurti ka vendosur ta sulmojë Serbinë
Edhe sot në Kosovë temperatura të larta
Në Kroaci nafta dhe benzina më lirë se në Kosovë, Qeveria kroate merr këtë vendim

Ambasada e Kosovës në Gjermani ka dalë me një njoftim sa i përket çështjes së patentë shoferëve.

Ambasada ka njoftuar se pas hyrjes në fuqi të marrëveshjes për njohjen e patentë shoferëve të Republikës së Kosovës në Gjermani, tashmë ka filluar procesi i konvertimit të tyre në të gjitha landet gjermane.

Më tej bëhet e ditur se në rast se qytetarët aplikojnë për konvertim të patentë shoferit tek institucionet kompetente gjermane (Führerscheinstelle), atëherë ky verifikim bëhet përmes komunikimit zyrtar (me e-mail) ndërmjet dy institucioneve kompetente (Führerscheinstelle dhe misionit konsullor), këtë shërbim misionet konsullore e kryejnë pa pagesë.

“Ndërsa, qytetarët të cilët dëshirojnë të pajisen paraprakisht me vërtetim, atëherë misionet konsullore të Republikës së Kosovës do të lëshojnë një vërtetim të tillë, përmes të cilit dëshmohet marrja e patentë shoferit në procedurë të rregullt në Kosovë. Për këtë shërbim duhet paraprakisht të bëni termin në misionet konsullore. Lëshimi i këtij vërtetimi do të kushtojë 20 euro”, thuhet në njoftim. /