Osmani e pret me ceremoni shtetërore, Meta bën shqiponjën në Prishtinë

HomeLajme

Osmani e pret me ceremoni shtetërore, Meta bën shqiponjën në Prishtinë

Presidenti shqiptar Ilir Meta është pritur me ceremoni shtetërore nga presidentja e Kosovës Vjosa Osmani në Prishtinë, në vizitën e tij të fundit zyrt

Ukraina konfirmon armëpushimin e përkohshëm në dy qytete
Lajm i hidhur: Vdes 11 vjeçari nga Mitrovica që ditë më parë ra në Liqenin Akumulues
Ekskluzive/ Rrëfimi i hajnit të shumëkërkuar në Gjilan, këto janë lokacionet në të cilat ia pranoi se vodhi me bashkëpunëtorët e tij

Presidenti shqiptar Ilir Meta është pritur me ceremoni shtetërore nga presidentja e Kosovës Vjosa Osmani në Prishtinë, në vizitën e tij të fundit zyrtare si president.

Pas intonimit të himneve shtetërore, Meta gjatë kalimit para gardës ceremoniale bëri edhe simbolin e shqiponjës.

Pas takimit, dy presidentët pritet që të mbajnë konferencë për media.

Më pas, nga ora 11:05, kryetari i Kuvendit të Kosovës, Glauk Konjufca, do ta presë në takim Presidentin Meta.

Pas takimit me kryeparlamentarin, Meta do të shkojë në Parlamentin e Kosovës për t’iu adresuar deputetëve.

Në përmbyllje të vizitës së tij, ai bashkë me Osmanin do të jetë pjesë e hapjes solemne të Manifestës.

Për vizitën e presidentit shqiptar në Kosovë, ka njoftuar Policia e Kosovës, duke dhënë detaje për ofrimin e sigurisë për të.

Vizita e fundit si president e Metës në Kosovë, ka nisur dje dhe do të zgjasë deri më 23 korrik.

Meta po e përfundon mandatin e tij duke ia lënë vendin Bajram Begajt.