Osmani: Nuk kemi pranuar propozime të reja për Asociacionin

HomeLajme

Osmani: Nuk kemi pranuar propozime të reja për Asociacionin

Presidentja e vendit, Vjosa Osmani, ka bërë të ditur se asnjëherë nga Shtetet e Bashkuara të Amerikës dhe nga Bashkimi Evropian, institucioneve të Kos

Shi, mjegull dhe diell, moti për javën e parë të nëntorit
Arrestohet për organizim të skemave piramidale të fatit online
Rusia përjashtohet edhe nga garat e FIBA-s

Presidentja e vendit, Vjosa Osmani, ka bërë të ditur se asnjëherë nga Shtetet e Bashkuara të Amerikës dhe nga Bashkimi Evropian, institucioneve të Kosovës nuk i janë prezentuar propozimet që janë duke u përmendur, për një autonomi të zgjeruar apo për një Asociacion të Komunave Serbe me kompetenca ekzekutive.

Ajo, para mediave sot, ka theksuar se  problemi është se përfaqësues të mëhershëm të Kosovës në dialog kanë nënshkruar marrëveshje të dëmshme, duke thënë se i kanë dhënë kompetenca Asociacionit.

“Duhet ta themi një realitetit që është është  e zeza në të bardhë, marrëveshjet janë nënshkruar nga kryeministra të Kosovës, përgjegjësia të hedhet tek komuniteti ndërkombëtar dhe të fshihet pas tyre, nuk i bën nder vendit. Jemi të vendosur mos të mos lejojmë të impelentohen modele që do ta bënin shtetin tonë jo funksional”,ka thënë Osmani.

“Qëndrimet tona sa i përket Asocacionit çdo herë kanë qenë  të qarta nuk janë befasi për ndokënd ,përfshirë edhe miqtë tanë ndërkombëtarë, jemi duke diskutuar si ta qojmë një zgjidhje përpara për dialogun, e që është njohja reciproke. Modele të një shteti jo funksional as nuk na kërkohen dhe as nuk na duhen”.

Ndërsa, për të njëjtën temë, kryeministri Albin Kurti, ka thënë se pas takimeve të sotme që do të ketë me të dërguarin e SHBA-së për Ballkanin, Gabriel Escobar, dhe me të dërguarin e BE-së për dialogun, Miroslav Lajçak, do të deklarohet për këtë temë.

“Besoj se pas takimit është më e drejtë dhe më mirë që të japim qëndrimet dhe mendimet tona”,ka thënë Kurti.