Pacolli i shkruan Kurtit: Presidenti i një shteti po vjen që ta njohë Kosovën, pritet miratimi juaj

HomeLajme

Pacolli i shkruan Kurtit: Presidenti i një shteti po vjen që ta njohë Kosovën, pritet miratimi juaj

Kreu i AKR-së, Behgjet Pacolli, përmes një postimi në Facebook i ka shkruar një letër publike kryeministrit Albin Kurti. Pacolli thotë se me Kurtin

Tërheqja e mjeteve nga Trusti, do të jetësohet
Qeverisë i kërkohet ta lejojë tërheqjen nga Trusti dhe të garantojë rimbursimin e mjeteve
Kanosi, frikësoi dhe shqetësoi bashkëshorten, prangoset i dyshuari

Kreu i AKR-së, Behgjet Pacolli, përmes një postimi në Facebook i ka shkruar një letër publike kryeministrit Albin Kurti.

Pacolli thotë se me Kurtin është takuar një natë para zgjedhjeve presidenciale, kur ai kishte nevojë për votën e tij, por se tash nuk ju përgjigjet letrave që i shkruan.

Pacolli thotë se me datë 18 dhjetor i ka shkruar se javën e ardhshme presidenti i një shteti është i gatshëm ta vizitojë Kosovën për ta kryer formalitetin e njohjes dhe po e pret vetëm miratimin e Kurtit.

Postimi i Pacollit:

Letër kryeministrit Kurti,

I nderuar zoti kryeministër,

Takimi ynë i fundit me ju ishte një natë para zgjedhjeve presidenciale, kur ju kishit nevojë për votën time. Duke e ditur se ju nuk përgjigjeni ne letrat e mia, ( ashtu siç nuk iu përgjigjët dhe as atyre letrave që kërkoja lirimin e instrumenteve mjekësore,sipas rregullave, për spitalin e pediatrisë që i kishit bllokuar në terminalet doganore.

Duke ditur këtë, më mbetet vetëm t’ju drejtohem publikisht;

Në WatsApp, më datën 18/12 ju kam dërguar letrën dhe mesazhin e Presidentit të shtetit që konfirmon se janë të gatshëm (javën e ardhshme) të vizitojnë Kosovën, pēr të kryar formalitetet e njohjës dhe të diskutojnë për vizitën e juaj evtl në këtë shtet.

Gjithçka është e rregulluar, zotni Kryeministër, unë kam punuar gjatë për këtë njohje dhe pritet vetëm miratimi juaj.

Unë, si gjithmonë, jam në dispozicion për gjithçka që keni nevojë rreth kësaj njohje,
Me nderime,

Behgjet Pacolli