Policia gjeti armën e zjarrit në vendngjarje, krejt çka dihet për vdekjen e dyshimtë në Kamenicë

HomeLajmeLokale

Policia gjeti armën e zjarrit në vendngjarje, krejt çka dihet për vdekjen e dyshimtë në Kamenicë

Mbrëmjen e së martës, mësuesi në pension, Xhemajl Demolli, u gjet pa shenja jete në shtëpinë e tij në fshatin Krilevë të Kamenicës. 67-vjeçari u gjet

Detaje nga aksidenti që ndodhi në Gjilan (VIDEO)
Rashiti: Vlerësohet pozitivisht bashkëqeverisja komunale në Gjilan
Testi i drogës, pezullohen 30 efektivë të policisë në Shqipëri pasi rezultuan pozitiv

Mbrëmjen e së martës, mësuesi në pension, Xhemajl Demolli, u gjet pa shenja jete në shtëpinë e tij në fshatin Krilevë të Kamenicës. 67-vjeçari u gjet me plagë që dyshohet se u shkaktuan nga arma e zjarrit dhe të cilat rezultuan të jenë fatale për të, raporton Gazeta Sinjali.

Sinjali mëson se atë fillimisht e ka gjetur një familjar i tij, i cili ka njoftuar menjëherë Policinë dhe ekipin mjekësor të Emergjencës.

Ekipi mjekësor i Emergjencës ka dalë menjëherë në vendin e ngjarjes, ku kanë gjetur trupin e viktimës dhe pas ekzaminimeve për shenjat vitale, mjeku kujdestar ka konstatuar se 67-vjeçari ka ndërruar jetë.

Çka gjeti Policia në vendngjarje?

Sipas informacioneve të para të cilat i ka siguruar Sinjali, Demolli dyshohet se i ka dhënë fund jetës së tij, duke kryer aktin final me një armë zjarri e cila u gjet nga Policia në vendngjarje.

Arma e tipit pushkë automatike AK47, u sekuestrua nga organet e hetuesisë në cilësinë e provave materiale, teksa janë marrë të gjitha veprimet e nevojshme hetimore që ndihmojnë në zbardhjen e rrethanave të rastit.

Me urdhër të prokurorit, rasti është cilësuar ‘Vdekje e dyshimtë’ dhe trupi i pajetë i viktimës është dërguar në Institutin e Mjekësisë Ligjore për obduksion.