Propozohet dyfishim i tarifave të energjisë elektrike

HomeLajme

Propozohet dyfishim i tarifave të energjisë elektrike

Dyfishim i tarifave të rrymës është propozuar nga furnizuesi me rrymë, KESCO, në kërkesën e bërë te Zyra e Rregullatorit të Energjisë për shqyrtim të

Kjo është gjendja e rrugës Gjilan-Ferizaj
Vetëvendosje del me analizë: Nuk jemi të kënaqur me numrin e komunave të fituara
Raportohet se NATO ka filluar stërvitjet pranë kufirit rus, ekspertët: Mund të acarojë Putinin!

Dyfishim i tarifave të rrymës është propozuar nga furnizuesi me rrymë, KESCO, në kërkesën e bërë te Zyra e Rregullatorit të Energjisë për shqyrtim të jashtëzakonshëm të tarifave.

Të premten, KESCO ka publikuar propozimin e vet, për të cilin ZRRE-ja pritet të vendosë brenda dy javësh, siç ka bërë të ditur përmes një njoftimi pë media KOHA. KESCO ka arsyetuar kërkesën e vet me mosdisbursimin e subvencioneve të premtuara nga Qeveria dhe me rritjen e çmimeve të energjisë në tregjet ndërkombëtare.

Në një njoftim të premten, KESCO ka publikuar propozimin e dërguar po këtë ditë në ZRRE për tarifat e rrymës. Nga tabela shihet se bëhet fjalë për një ngritje gati 100 për qind të çmimit.

Aktualisht qytetarët paguajnë dy lloje tarifash, për shkak të bllokut tarifor të vendosur në 800kWh. Shtrenjtimi është propozuar si për ata që shpenzojnë më pak se 800kWh në muaj, si për ata që e tejkalojnë blloktarifën.

Tarifa e ulët për ata që shpenzojnë nën këtë bllok është 2.89 centë për kWh, ndërsa e larta për konsumatorët familjarë që shpenzojnë më pak se ky bllok tarifor është 6.75 centë për kWh. Propozimi i KESCO-s është që me tarifat e reja çmimet të ngrihen në 5.43 centë për kWh si tarifë të ulët dhe 12.78 centë për kWh për tarifë të lartë.

Ndërkaq çdo kWh që shpenzohet aktualisht mbi 800kWh të shpenzuar në muaj, kushton aktualisht 5.9 centë në tarifë të ulët dhe 12.52 në të lartën. Propozimi i çon këto tarifa në 11.09 centë për të ulëtën dhe 23.53 centë për të lartën.

Tarifë e ulët është ajo që shpenzohet gjatë natës, ndërsa e larta ajo që shpenzohet gjatë orëve të ditës./Paparazi/