Qytetarët nga Kosova dyfishojnë prenotimet për pushime në Shqipëri

HomeLajme

Qytetarët nga Kosova dyfishojnë prenotimet për pushime në Shqipëri

Saranda tashmë është një nga destinacionet më të pëlqyera të qytetarëve kosovarë në rivierën shqiptare, sidomos nga rinia. E pikërisht Saranda me d

Ky është biznesmeni kosovar që ra në prangat e Policisë për prostitucion bashkë me vajzat e “zhdukura”
Berisha: Albin Kurti qenka pispillan, e ka izoluar e varfëruar Kosovën
Gastronomët mirëpresin lehtësimin e masave anti-COVID

Saranda tashmë është një nga destinacionet më të pëlqyera të qytetarëve kosovarë në rivierën shqiptare, sidomos nga rinia.

E pikërisht Saranda me drejtuesit e saj lokalë e me përfaqësues biznesesh prezantuan ofertën turistike për këtë sezon në Prishtinë.

“Në momentet më të vështira që Saranda dhe gjithë turizmi shqiptar kaloi në pandemi ishin ata që i dhanë frymëmarrje këtij turizmi”, tha Gurma.

Ai tregoi se qyteti është gati për të mirëpritur sezonin e ri turistik.

“Është shumë i rëndësishëm angazhimi maksimal i bizneseve dhe strukturave të pushtetit lokal, në mënyrë që oferta turistike të jetë e përmirësuar kryesisht në cilësi, por edhe e zgjatur në kohë”, u shpreh kryebashkiaku i Sarandës.

Drejtuesit e institucioneve të rëndësishme në Kosovë, kërkuan nga qytetarët e Sarandës që të shkëmbejnë eksperiencat duke vizituar Kosovën.

Që Saranda po bëhet atraktive për pushuesit nga Kosova e thotë edhe kryetari i Shoqatës së Transportit Rrugor të Udhëtarëve, Ruzhdi Kurtishja, njëkohësisht pronar i një agjencie turistike.

Përveç pushuesve sezonalë, Saranda është bërë edhe shtëpia e dytë për shumë kosovarë të cilët kanë vendosur të blejnë prona për të jetuar buzë detit. /Euronews Albania/