Rrahet brutalisht 27-vjeçari në Gjilan, dy persona ia presin gishtat për 10 euro borxh

HomeLajmeLokale

Rrahet brutalisht 27-vjeçari në Gjilan, dy persona ia presin gishtat për 10 euro borxh

Një rrahje brutale mes disa personave ka ndodhur të hënën në Gjilan, ku një 27-vjeçar u sulmua keq, teksa vetëm njëri nga dy të dyshuarit ka rënë në p

Nxënësit e shkollës fillore “Nazim Hikmet”, vizitojn Stacionin Policor në Gjilan
BE-ja duhet ta mbajë premtimin për liberalizimin e vizave, qytetarët e Kosovës po i bartin pasojat pa fajin e tyre
Sikur të ishte miell, plot 22 qese me heroinë u gjetën në Gjilan

Një rrahje brutale mes disa personave ka ndodhur të hënën në Gjilan, ku një 27-vjeçar u sulmua keq, teksa vetëm njëri nga dy të dyshuarit ka rënë në prangat e Policisë. Rastit dyshohet se i parapriu një përplasje verbale që eskaloi në sulm fizik, si pasojë e një mosmarrëveshje për një borxh, raporton Gazeta Sinjali.

Sipas informacioneve të para, rasti ka ndodhur dje në mesditë, kur dy persona sulmuan fizikisht një tjetër, deri në atë pikë sa ia kanë prerë dy gishta me drapër, duke i shkaktuar lëndime të rënda trupore.

Motivi i rrahjes brutale sipas burimeve nga Prokuroria lidhet me një borxh prej 10 eurosh, që u bë mollë sherri mes të rinjve.

Viktima fillimisht ka kërkuar ndihmë mjekësore në Spitalin Rajonal të Gjilanit, e më pas është transferuar në QKUK.

Pasi dikush e njoftoi Policinë në lidhje me incidentin, një patrullë policore ka dalë në vendin e ngjarjes, ku janë bërë ekzaminimet e nevojshme, teksa më pas janë drejtuar për në Qendrën Klinike Universitare, ku është marrë një deklaratë nga viktima.

Sinjali mëson se Policia ka arritur ta arrestojë njërin nga personat e dyshuar, i cili është shoqëruar në stacion policor dhe pas intervistimit, u dërgua në mbajtje për 24  orë.

Ndaj tij, Prokurori i Shtetit ka iniciuar rastin si “Lëndim i rëndë trupor” dhe ka urdhëruar nisjen e hetimeve që çojnë në identifikimin e personit tjertër të përfshirë në rast.