Rusët po përgatiten për luftë bërthamore, paralajmëron Zelensky

HomeLajme

Rusët po përgatiten për luftë bërthamore, paralajmëron Zelensky

Presidenti i Ukrainës, Volodymyr Zelensky, ka thënë se zyrtarët rusë kanë filluar të “përgatisin shoqërinë e tyre” për përdorimin e mundshëm të armëve

Ky është dokumenti ku i kërkohet Malit të Zi dhe Maqedonisë t’i vendosin viza Kosovës
Ministria e Financave jep një superlajm për familjet në asistencë sociale dhe pensionistët
BONEVET Kamenica, hap dyert zyrtarisht

Presidenti i Ukrainës, Volodymyr Zelensky, ka thënë se zyrtarët rusë kanë filluar të “përgatisin shoqërinë e tyre” për përdorimin e mundshëm të armëve bërthamore, por tha se Rusia nuk beson se Rusia është gati t’i përdorë ato.

“Ata kanë fillouar të përgatisin shoqërinë e tyre. Kjo është shumë e rrezikshme”, tha Zelensky në një intervistë për BBC, transmeton Klankosova.tv.

“Ata nuk janë gati ta bëjnë këtë, ta përdorin. Por fillojnë të komunikojnë. Ata nuk e dinë nëse do ta përdorin apo jo. Mendoj se është e rrezikshme edhe të flasësh për të”, u shpreh ai.

“Ajo që shohim është se pushtetarët e Rusisë e pëlqejnë jetën dhe kështu mendoj se rreziku i përdorimit të armëve bërthamore nuk është aq i përcaktuar siç thonë disa ekspertë, sepse ata e kuptojnë se nuk ka kthim prapa pasi e përdorin atë.

Intervista ndodhi disa orë pasi presidenti amerikan Joe Biden tha se kërcënimi rus për të përdorur armë bërthamore e kishte sjellë botën më afër “Armagedonit” se në çdo kohë që nga kriza e raketave Kubane gjatë Luftës së Ftohtë.

Presidenti Zelensky tha se duhet të veprohet tani, pasi kërcënimet e Rusisë janë një “rrezik për të gjithë planetin”.

Presidenti Zelensky u bëri thirrje rusëve të “luftojnë për trupin, të drejtat dhe shpirtin.

“Këta fëmijë të mobilizuar tani, ata vijnë pa mitralozë, xhaketa të blinduara, ata janë thjesht mish për top… Nëse nuk duan të jenë qebapa… ata duhet të luftojnë”.

“Gjithçka nga e cila ka frikë Putini nuk është një sulm bërthamor. Ai ka frikë nga shoqëria e tij, nga njerëzit e tij. Sepse vetëm këta njerëz mund ta zëvendësojnë atë, t’ia heqin pushtetin dhe t’ia japin një personi tjetër”.