“Sa të jem unë ministre e Drejtësisë kurrë jo”, përplasja e Haxhiut me Tahirin në Kuvend

HomeLajme

“Sa të jem unë ministre e Drejtësisë kurrë jo”, përplasja e Haxhiut me Tahirin në Kuvend

Ministrja e Drejtësisë, Albulena Haxhiu dhe shefi i Grupit Parlamentar të PDK-së, Abelard Tahiri sot u përplasën në Kuvend për temën e noterëve. Haxhi

Ambasadorët e BE-së vulosin tekstin për liberalizimin e vizave për Kosovën
ZRRE-ja publikon kalkulatorin për llogaritjen e faturës së rrymës me tarifat e reja
Rahimaj: Tri projekte do të fillojnë këtë vit në Kamenicë

Ministrja e Drejtësisë, Albulena Haxhiu dhe shefi i Grupit Parlamentar të PDK-së, Abelard Tahiri sot u përplasën në Kuvend për temën e noterëve. Haxhiu i tha Tahirit se nuk do t’i bëjë kurrë noterë ata të cilët dëshiron Tahiri.

Madje, derisa diskutonin për ndryshimet në ligjin për Këshillin Prokurorial, Haxhiu tha se nuk po e kuptonte shqetësimin e Tahirit.

“Nuk po e kuptoj shqetësimin që ke Z. Tahiri. Tash unë jam e shqetësuar sepse gjendja në sistemin e Drejtësisë nuk është e mirë, por çka ke ti që shqetësohesh, nuk po mund ta kuptoj fare”, tha ajo.

“Ndoshta edhe mund ta kuptoj, por më mirë s’po e them”, shtoi Haxhiu.

Ajo ia përmendi Tahirit procesin e rekrutimit të noterëve, për të cilin ky i fundit tha se ka vepruar mirë.“Kjo e tregon nivelin e paaftësisë tënde… Po lej ato se s’janë në rend dite”, tha Tahiri.

Ministrja iu përgjigj menjëherë me një ton pak më të lartë.

“Sa i përket noterisë, as mendja mos të shkon që ka me t’i bë noterë qata që ti po mendon e qata që ti i ke ndërhy me i vlerësu me më së larti me pikë. Jo Abelard Tahiri, sa të jem unë ministre e Drejtësisë kurrë jo”.