SBASHK del me detaje: 99% e mësuesve refuzuan propozimin e Kurtit

HomeLajme

SBASHK del me detaje: 99% e mësuesve refuzuan propozimin e Kurtit

Anëtarja e këshillit grevist nga SBAShK-u, Luljeta Boshnjaku takimin e djeshme në mes tyre dhe ministres së Arsimit, Arbërie Nagavci, si dhe takimin e

Hoti reagon pasi Kurti përmendi luftën: Nga Kosova duhet të dërgohen mesazhe pozitive
Jetë e shtrenjtë në Kosovë, vaji u shtrenjtua 47% për një vit, pagat u rritën 34 euro për 8 vite
Zbardhet ngjarja në Parallovë: Veç parave, grabitësit ua morën edhe armët punëtorëve të sigurimit që transportonin paratë

Anëtarja e këshillit grevist nga SBAShK-u, Luljeta Boshnjaku takimin e djeshme në mes tyre dhe ministres së Arsimit, Arbërie Nagavci, si dhe takimin e Këshillin Ekonomik Social, i ka cilësuar si të dështuar, pasi ende nuk kanë pranuar ndonjë ofertë të re nga Qeveria e Kosovës.

Boshjaku fillimisht u ndal te takimi me ministren Nagavci, ku tha se nuk ka pasur ndonjë ofertë të re por vetëm është referuar në pakon e kryeministrit.

“Takimin që ishte me ministren Nagafci, ishte një shenjë e mirë që ministria na ftoi në dialog, mirëpo nuk ishte dialog, sepse nuk kishte ndonjë ftesë të re ose ndonjë ofertë të re, vetëm është referuar në pakon e kryeministrit. Takimi ishte i pa suksesshëm”, tha ajo.

Boshnjaku tha pakoja që është prezantuar nga kryeministri Kurti, nuk ka qenë e mirëpritur për 99% të mësimdhënësve. Sipas saj, dje as në takimin me Këshillin Ekonomik Social nuk kishte rezultate, andaj greva do të vazhdojë

“Ne e kemi pyet anëtarësinë për ofertën që është bërë prej kryeministri dhe mund të themi se 99% nuk e kanë pranuar një ofertë të tillë. Kërkesa jonë është e thjeshtë, 100 euro derisa të fillon implementimi i ligjit… Meqenëse të dy takimet ishin pa kurrfarë rezultati, greva vazhdon edhe ditëve në vijim, pra deri të fillon realizimi i kërkesave tona”, ka përfunduar Boshnjaku për Kosovapress.

Ajo se qëndrojnë në kërkesat e tyre dhe nuk do të lëshojnë “pe”, në rast se iu bëhet ndonjë kërkesë tjetër nga qeveria.

“Ne do të qëndrojmë pas kërkesave tona, sepse kërkesa për pensionimin dhe kërkesa që është për sigurimin shëndetësor, jemi të vetëdijshëm që kërkon kohë më të gjatë, mirëpo kërkesa që është për 100 euro shtesë deri në implementimin e ligjit është kërkesë e gjithë anëtarësisë”, ka shtuar Boshnjaku.

Ndërkaq, kryetari i BSPK-së, Atdhe Hykolli, gjatë ditës së djeshme pas takimit me Këshillin Ekonomik Social, ka thënë se pritet gjatë vikendit të ketë takim me qeverinë dhe sipas tij ka sinjale pozitive për arritjen e marrëveshjes me qeverinë.

Nga data 25 gusht, shkollat dhe çerdhet në Kosovë, janë në grevë. Kërkesa e Sindikatës për ta ndalur grevën është 100 euro deri në miratimin e Ligjit të Pagave.