SHBA-të kërkuan shtyrjen e zgjedhjeve në veri- Ky është qëndrimi i fundit i Qeverisë së Kosovës

HomeLajme

SHBA-të kërkuan shtyrjen e zgjedhjeve në veri- Ky është qëndrimi i fundit i Qeverisë së Kosovës

Zëdhënësi i Qeverisë së Kosovës, Përparim Kryeziu tha se zgjedhjet nuk do të shtyhen sepse siç thotë ai, institucionet e Republikës së Kosovës kanë tr

Mediat serbe: Perëndimi po e armatosë Kosovën, po e përgatitë për luftë në vitin 2025
Nesër fillom mësimi, ministrja Nagavci jep informacione për përgatitjet
Zhduket një vajzë në Gjilan

Zëdhënësi i Qeverisë së Kosovës, Përparim Kryeziu tha se zgjedhjet nuk do të shtyhen sepse siç thotë ai, institucionet e Republikës së Kosovës kanë treguar gatishmërinë për të ofruar kushtet e nevojshme për mbarëvajtje të zgjedhjeve.

Kryeziu përmes një shkrimi në “Facebook”, thotë se është e domosdoshme mbajtja e zgjedhjeve në veri, pas dorëheqjes së kryetarëve të katër komunave.

“Bandat kriminale mund edhe mos të marrin pjesë në zgjedhje, por ato nuk mund ta diktojnë mbajtjen apo jo të zgjedhjeve demokratike. Aktet e dhunës dhe veprimet kriminale duhet të dënohen njëzëri. Presim vlerësimin e situatës në veri nga organet tona të sigurisë për hapat e mëtejmë”, shkroi tutje.

Shkrimi i plotë:

Institucionet e Republikës së Kosovës kanë treguar gatishmërinë për të ofruar kushtet e nevojshme për mbarëvajtje të zgjedhjeve. Zgjedhjet janë manifestim i fuqishëm i demokracisë. Pengimi apo pamundësimi i tyre është sulm ndaj demokracisë. Pas dorëheqjeve të kryetarëve të katër komunave në veri të vendit, mbajtja e tyre tashmë është obligim kushtetues i institucioneve të Republikës. Qytetarët tanë atje kanë nevojë për përfaqësim direkt të tyre. Institucionet kanë nevojë për drejtues legjitim të tyre. Bandat kriminale mund edhe mos të marrin pjesë në zgjedhje, por ato nuk mund ta diktojnë mbajtjen apo jo të zgjedhjeve demokratike. Aktet e dhunës dhe veprimet kriminale duhet të dënohen njëzëri. Presim vlerësimin e situatës në veri nga organet tona të sigurisë për hapat e mëtejmë.