Shpërthimet në Veri, ambasada gjermane Zero tolerancë ndaj dhunës, mirë që KFOR është atje

HomeLajme

Shpërthimet në Veri, ambasada gjermane Zero tolerancë ndaj dhunës, mirë që KFOR është atje

Zyrtarët e Komisionit Qendror të Zgjedhjeve i’a kishin mësyrë zyrave të KQZ-së në Mitrovicë të Veriut e Zubin Potok nën përcjelljen e Policisë, për të

Dy aktakuza të ngritura dhe gjashtë persona të ndaluar për 48 orë
Krasniqi: Çmimi i bukës në Kosovë do të bëhet 1 euro, qeveria duhet të blejë rezerva të miellit
Burri në Gjilan: Gruaja mori fëmijët dhe iku

Zyrtarët e Komisionit Qendror të Zgjedhjeve i’a kishin mësyrë zyrave të KQZ-së në Mitrovicë të Veriut e Zubin Potok nën përcjelljen e Policisë, për të ushtruar detyrat zyrtare, por janë kthyer pas. Sipas Policisë të Kosovës grupet kriminale kanë sulmuar zyrat e komisionit zgjedhor komunal në Veri. Këto dëmtime, sipas PK-së se janë bërë nga njerëz të maskuar, me granata dore të prodhimit jugosllav, shkruan Gazeta Sinjali.

Për këto shpërthime ka pasur reagime të shumta nga ndërkombëtarët të cilët e kanë dënuar një akt të tillë.

Nga ambasada gjermane në një përgjigje për Gazetën Sinjali thonë se janë të shqetësuar për tensionet në Veri.

Zhvillimet e fundit sigurisht që nuk ndihmojnë aspak në përmirësimin e situatës së sigurisë në rajon. Jemi veçanërisht të shqetësuar për shkak të incidenteve të djeshme në veri të Kosovës”, thuhet në përgjigje.

Nga kjo ambasadë e dënojnë dhunën ndaj zyrtave zgjedhore komunale dhe thonë se është “ e papranueshme”.

Dhuna ndaj zyrave zgjedhore komunale është e papranueshme. Është mirë që Policia e Kosovës është duke qëndruar në koordinim të ngushtë me EULEX-in dhe që KFOR-i është i pranishëm atje. Ne mbështesim plotësisht demonstratat paqësore por, kemi zero tolerance ndaj dhunës”, thuhet në përgjigjen e ambasadës për Sinjalin.

Ndryshe, zyrtarë të Komisionit Qendror të Zgjedhjeve të Kosovës të shoqëruar nga Policia e Kosovës, kanë hyrë më 6 dhjetor në ndërtesën e komunës së Zubin Potokut. Gjatë depërtimit kanë ndodhur dy shpërthime. Lajmin për Sinjalin e kishte konfirmuar zëdhënësi i KQZ-së, Valmir Elezi.

Punonjësit e KQZ-së kanë ndërruar bravat e dyerve të Komunës në Zubin Potok, por menjëherë janë lëshuar sirenat për disa minuta.

Menjëherë pas kësaj, forcat speciale dhe zyrtarët u larguan nga kjo komunë.

Ndryshe, Policia e Kosovës ka raportuar se nuk është raportuar për ndonjë të lënduar.