Sot fillon shitja e biletave për ndeshjen e Kosovës edhe në Gjilan

HomeSport

Sot fillon shitja e biletave për ndeshjen e Kosovës edhe në Gjilan

Federata e Futbollit e Kosovës (FFK) ka njoftuar se sot (e mërkurë) do të fillojë shitja e biletave edhe në tetë qytete tjera për ndeshjen miqësore me

Gjilani fiton në udhëtim te Feronikeli
EKSKLUZIVE: Gjilani kërkon pikët në tavolinë ndaj Dukagjinit, mungon vendimi nga Apeli
Llapi – Drita, finalja e madhe e Kupës së Kosovës: Data, vendi dhe orari

Federata e Futbollit e Kosovës (FFK) ka njoftuar se sot (e mërkurë) do të fillojë shitja e biletave edhe në tetë qytete tjera për ndeshjen miqësore mes Përfaqësueses së Kosovës ndaj Burkina Faso.

Kosova do të luajë miqësoren me Burkina Fason nesër (e enjte) me fillim nga ora 18:00 në stadiumin Fadil Vokrri.

Tashmë janë bërë të gjitha përgatitjet për këtë ndeshje të parë nën drejtimin e Alain Giresse dhe biletat veçse kanë filluar të shiten në dy pika në Prishtinë.

Por, FFK ka njoftuar tashmë zyrtarisht se biletat do të shiten sot edhe në tetë qytete tjera të Kosovës, duke filluar nga ora 13:00.

Biletat në Gjilan mund ti bleni në piken e shitjes së “Art Motion” afër Hotel Kristal përcjell 06 Press.

Njoftimi pa ndërhyrje i FFK-së

Federata e Futbollit e Kosovës njofton opinionin se shitja e biletave për ndeshjen miqësore Kosova – Burkina Faso, krahas dy pikave të shitjes së kompanisë “Artmotion” në Prishtinë, sot do të fillojë edhe në pikat e kësaj kompanie në 8 qytet tjera në: Mitrovicë, Vushtrri, Podujevë, Ferizaj, Gjilan, Gjakovë, Pejë dhe Prizren.

Shitja e biletave në këto qytete fillon në orën 13:00.

Miqësorja Kosovë-Burkina Faso, do të zhvillohet të enjten, më 24 mars në orën 18:00, në stadiumin “Fadil Vokrri”.