Të rinjtë përdorues të mëdhenj të drogave: Tre të arrestuar në Gjilan e Ferizaj, njëri nxënës 15-vjeçar

HomeLajme

Të rinjtë përdorues të mëdhenj të drogave: Tre të arrestuar në Gjilan e Ferizaj, njëri nxënës 15-vjeçar

Përdorimi i substancave narkotike ka marrë përmasa shqetësuese në Kosovë. Ato po përdoren me të madhe, sidomos nga të rinjtë të cilët shpesh kapen në

Sveçla viziton pikë kalimin kufitar në Merdare, tregon për gjendjen pas vendimit për targa
KESCO: Vetëm 22 për qind e konsumatorëve do të preken nga tarifat e reja të rrymës
Serbia shkel marrëveshjen për qarkullim me letërnjoftime , Kurti thotë se Bislimi u ka treguar në Bruksel

Përdorimi i substancave narkotike ka marrë përmasa shqetësuese në Kosovë. Ato po përdoren me të madhe, sidomos nga të rinjtë të cilët shpesh kapen në flagrancë nga Policia. Shqetësues është fakti se të tilla raste zbulohen edhe ne afërsi të shkollave, raporton Gazeta Sinjali.

Vetëm gjatë 24 orëve të fundit, Sinjali mëson se gjatë kontrolleve për sigurinë në shkolla, Policia ka kapur disa persona që posedonin substanca narkotike.

Në Gjilan, Policia ka kapur një 15-vjeçar, i cili është kapur me drogë te shkolla ku vijon mësimet. Siç mëson Sinjali, i mituri është ndaluar nga Policia brenda kompleksit të shkollave të mesme dhe pas kontrollit, rezultoi se posedon substancë narkotike, të llojit marihuanë. I dyshuari është intervistuar dhe ndaj tij, me urdhër të Prokurorit të Shtetit është iniciuar rast.

Ndërsa në Ferizaj janë kapur dy persona, njëri pasditen e djeshme në rrugën “Dëshmorët e Kombit” dhe tjetri në fshatin Balaj. I dyshuari i parë është arrestuar pasi Policia i ka gjetur një sasi të substancës narkotike, të llojit marihuanë.

Teksa edhe i dyshuari tjetër është kapur me marihuanë, për çka është shoqëruar në stacion policor. Ndaj tyre, në raste të ndara kanë nisur hetimet për veprën penale “Posedim i Paautorizuar i narkotikeve, substancave psikotrope dhe analoge’’.