Të shtëna me armë zjarri në Gjilan, Policia gjen 9 gëzhoja në vendin e ngjarjes

HomeLajme

Të shtëna me armë zjarri në Gjilan, Policia gjen 9 gëzhoja në vendin e ngjarjes

Mesditën e së dielës janë dëgjuar të shtëna me armë zjarri në fshatin Uglar të Gjilanit, ku një person po dyshohet se ka gjuajtur disa herë në ajër pë

SC Gjilani del me komunikatë zyrtare për dhunën që ushtruan tifozët ndaj portjerit të Ballkanit
Të enjten në Gjilan nis faza e dytë e dezinsektimit hapësinor
Kryetarët e komunave nuk i shkojnë në takim ministrisë për masat antiCOVID

Mesditën e së dielës janë dëgjuar të shtëna me armë zjarri në fshatin Uglar të Gjilanit, ku një person po dyshohet se ka gjuajtur disa herë në ajër për motive ende ta panjohura. Rasti është denoncuar nga një bashkëfshatar i tij, teksa i njëjti është dorëzuar vet në Polici, raporton Gazeta Sinjali.

Burimet nga Prokuroria kanë bërë me dije se rasti është raportuar nga një banor i fshatit, i cili njoftoi Policinë se derisa po ruante bagëtinë dikush ka shtënë rreth 10 herë me armë. Denoncimi i viktimës aktivizoi Policinë, me ç’rast një njësi policore intervenoi në vendin e ngjarjes.

Sipas informacioneve të para, i dyshuari për këtë rast është  A.S., 53-vjeçar, i cili ka shkrepur armën 9 herë, por që sipas deklaratës së tij nuk ka pasur ndonjë qëllim të caktuar dhe ka shtënë vetëm në ajër.

Gëzhojat që u gjetën në vendin e ngjarjes si dhe arma që i dyshuari e mbante kundërligjshëm janë konfiskuar nga Policia, ndërsa i dyshuari është shoqëruar në stacion policor, për të dhënë deklaratë para hetuesve policorë.

Pas përfundimit të procedurave, Prokurori i Shtetit ka urdhëruar që ndaj tij të iniciohen rastet si “Përdorim i armës” dhe “Mbajtja  në  pronësi, kontroll ose posedim të paautorizuar të armëve”.