Tërheqja e mjeteve nga Trusti, vjen një lajm i mirë nga KQZ

HomeLajme

Tërheqja e mjeteve nga Trusti, vjen një lajm i mirë nga KQZ

Komisioni Qendror i Zgjedhjeve (KQZ) ka filluar verifikimin e nënshkrimeve të qytetarëve të Kosovës, të cilët përmes nënshkrimeve po kërkojnë që të nd

Viti: 13-vjeçarja dyshohet se u dhunua seksualisht, tash është 8 muajshe shtatzënë
Musliu: Siguria në vend është stabile dhe e qetë
Hyseni: Mbrëmë u tronditëm nga ngjarja e rëndë e ndodhur në Gllogjan të Deçanit

Komisioni Qendror i Zgjedhjeve (KQZ) ka filluar verifikimin e nënshkrimeve të qytetarëve të Kosovës, të cilët përmes nënshkrimeve po kërkojnë që të ndryshohet Ligji për tërheqjen e një shume të parave nga Trusti.

Zëdhënësi i KQZ, Valmir Elezi në një përgjigje për Front Online, tha se deri më tani janë verifikuar 17,197 nënshkrime.

“Pas procesit të verifikimit të listës së nënshkrimeve të peticionit, rezulton se 17,197 nënshkrues të peticionit janë qytetarë me të drejtë vote të Republikës së Kosovës”, bërë të ditur Elezi për Front Online.

Ai tha se nënshkrimet janë verifikuar në bazë të listës së fundit të votuesve.

“Komisioni Qendror i Zgjedhjeve ka verifikuar listën e nënshkrimeve në raport me listën e fundit të votuesve, e cila i takon Zgjedhjeve Lokale të 17 tetorit 2021 dhe të cilën e posedon KQZ-ja”, u shpreh ai.

Elezi tha se për verifikimin e nënshkrimeve, javën e kaluar e kanë njoftuar edhe kryetarin e Kuvendit të Kosovës, Glauk Konjufcën.

“Lidhur me këtë, të enjten e javës së kaluar kemi informuar zyrtarisht Kryetarin e Kuvendit të Kosovë”, tha ai për Front Online.

Një iniciativë tjetër për ndryshimin e Ligjit për Trustin në Kuvendin e Kosovës është iniciuar edhe nga deputeti i PDK-së, Bekim Haxhiu, por nuk i mori votat e mjaftueshme.